Grazas a tod@s!
Unha lingua, unha fala.
Moitas veces, tivemos que escoitar: “ El gallego no és una lengua”, "El gallego no és una lengua científica", “ Con el gallego no vas a ningún lado”....
O galego é a miña lingua, a dos meus pais e a dos meus avós, a dos meus devanceiros, e polo tanto será a dos meus fillos. A lingua dos arrolos, a das verbas xeitosas cheas do agarimo dunha nai polos seus fillos.
Quero aplicar a miña ciencia á lingua, para pintar a face do noso maior ben colectivo, a nosa mellor herdanza, a mellor tarxeta de presentación dun pobo: a lingua galega.
martes, 22 de decembro de 2015
mércores, 16 de decembro de 2015
xoves, 5 de novembro de 2015
mércores, 4 de novembro de 2015
Ce Pantasma no Samaín 2015
Samaín 2015 e Ce Pantasma
Celebramos o Samaín na escola e veu a acompañarnos Ce Pantasma, cantamos e bailamos, incluso os pais e os avós. E para rematar cantamos a cantiga da Rianxeira todas e todos.
Ata a próxima e xa sabedes o noso lema:
Bicos a moreas!
mércores, 7 de outubro de 2015
Samaín 2015
Prezad@s
nais e pais, dende a escola queremos invitarvos a participar no Samaín 2015. Como anos anteriores celebraremos a nosa festa das cabazas ou caveiras
na escola, podemos traer as cabazas xa decoradas do xeito máis divertido, para
facer a exposición no centro dende o luns 26 ata o mércores 28, pois lembrade
que a nosa festa farémola o loves 29, con moita música e moitas sorpresas.
Samaín, palabra gaélica, non significa máis que fin do verán,
principio do inverno. Na antiga cultura
céltica o tempo de Samaín, especialmente a noite do 31 de
outubro ao 1 e novembro, era o período máis importante do ano. Eran datas
claves para se reunir nos camposantos, comer o ritual e comunal porco de samaín
e concelebrar as farradas festeiras dos guerreiros. Era a noite máis perigosa
do ano: as portas do outromundo abríanse nesas horas e as ánimas eran quen de
vir visitar este mundo e aos seus moradores: tantas veces para render contas
inacabadas.
Para afastar dos seus castros as
perigosas ánimas defuntas e errantes adoitaban poñer no alto das muradas, ou
encastradas nas paredes, as caveiras iluminadas dos inimigos mortos en campaña.
De aquí, dos ritos e crenzas célticas ao redor da caveira, vén a tradición
europea de facer caliveras na cortiza dos melóns, ou cabazos,
ou calabazotes.
Tradición que, grazas ás investigacións do profesor
galego Lopez Loureiro, sabemos que se estende por toda a antiga xeografía
céltica europea e concretamente para o caso de España, por todas as zonas con
presencia do elemento céltico ben documentado. En Galicia atopámola en toda a
súa xeografía, non faltando esta tradición en ningunha das súas bisbarras e
aportando un folclore similar aínda que dándolles nomes diferentes: calacús polas
Rías Baixas, caveiras de melón en Cedeira, calabazotes en
Ortigueira, colondros en Ourense...etc.
Equipo de
Dinamización da Lingua
sábado, 12 de setembro de 2015
Benvidas e benvidos!
Ola! este curso nace o Blogue
do Equipo de Dinamización do Galego na nosa escola. Pretendemos con este traballo
recoller todo o que se ven facendo nas diferentes aulas da escola durante os
cursos escolares en prol da nosa lingua. Traballos feitos polos vosos fillos e
fillas para que disfrutedes dos mesmos e poidades ver polo ventanuco como vai o
seu desenrollo educativo.
Esperamos a vosa colaboración.
E.D.L.G.
martes, 1 de setembro de 2015
Galicia, Pontevedra, Sanxenxo
Hai un lugar onde quero vivir onde quero soñar que o meu sono e posible......
E.D.L.G.
Subscribirse a:
Publicacións (Atom)