Este proxecto xurde dun traballo cooperativo entre todas e todos, dende Infantil ata Primaria para amosar o noso centro ao público. Esperámosvos que vos guste, podedes vir cando queirades.
Feixes de apertas e bicos.... a moreas!
A nosa lingua, a túa lingua, a lingua de todas e todos! O galego é túa lingua, a dos teus pais e a dos teus avós, a dos teus devanceiros, e polo tanto será a das túas fillas e fillos. A lingua dos arrolos, a das verbas xeitosas cheas do agarimo dunha nai polos fillos.
A nosa lingua
Moitas veces, tivemos que escoitar: “ El gallego no és una lengua”, "El gallego no és una lengua científica", “ Con el gallego no vas a ningún lado”....
Quero aplicar a miña ciencia á lingua, para pintar a face do noso maior ben colectivo, a nosa mellor herdanza, a mellor tarxeta de presentación dun pobo: a lingua galega.